Івянец і Івянецкае графства

Панядзелак, 20.11.2017, 16:26

Вітаю Вас Гость | RSS | Галоўная | Вводъ Сологуба во владение службой людей в селе Чолноки им. Киевецкого (1582 год) | Рэгістрацыя | Уваход

Источник - Акты Минскаго Городского Суда 1582-1590 г. г.

Акты Издаваемые Виленскою Комиссиею для Разбора Древних Актов Том 36 Виленского Центрального архива № 11765, Вильна, 1912, Электро-типография ”Русский почин” Сиротская д. № 20

№ 250. Вводъ Сологуба во владение службой людей в селе Чолноки им. Киевецкого (упамінанне Пана Петра Станіслававіча Плевакі)

№ 250. Вводъ Сологуба во владеніе службой людей въ селе Чолноки им. Кіевецкаго.

Року пк (1582), мсца августа к (2) дня.

Hа рочкох кгродских Менских передомною Гаврылом Гор., вое. Бер., ста. Мен., дер. Кам., ставшы очевисте возный повету Менъского Мартинъ Янович Крывицкий, сознаыье свое учынилъ и цедулу свого того сознанья своего под печатью своею ку записанью до книгь подал, писаную въ тые слова: Я Мартинъ Яновичъ Крывицъкии, возиый повету Менского, созноваю то очевисте пры цедуле своей ку записаныо до книгъ кгродских Меньских, ижъ в року тепер идучомъ тисеча пятьсотъ осмъдесятъ второмъ, мсца июля трыдцать перьвого дня, будучы мне прыданымъ з ураду от суду земского Меньского его мнлости пану Миколаю Сологубу и малжонъце его милости пани Дороте Лаврыновне Внучковне на отъправу за суму пнзей, всказаную от суду земского Менъского, за челедзь неволъную на его милости пану Давыду Глебовнчу Есьману и малжонъце его мл. пани Ганьне Анъдреевне Овлочымъского . . . осмъдесятъ, на именыо их милости Киевецкомъ, в повете Меньскомъ лежачомъ, и кгьды рокъ прыпал отправу чынить, я возный, з стороною людми добрыми прыехал до двора его милости лана Давыда Есмана и малжоики ero милости Киевецкого и пыталом, если бы был панъ Давыдъ Есьманъ и малжонка ero милости в дворе своемъ Киевецкомъ. Мне возному поведяно o пану Давыду и малжонце его милости; ямъ возный, o них ведаючы, до ихъ милости пошолъ, с стороною людми добрыми, и показавшы листъ врадовый, до пана Давыда Есьмана и малжонъки его млсти писаный, абы их мл. тую осмъдесятъ копъ грошей, от суду земского Менъского всказаную, заплатили, a гдебы заплатити не хотели, абы на именью своемъ Киевецкомъ отправу чынить допустили, и прыданье до мене возного и до стороны, от враду земъского Менъского писаное, оказовалъ, с которого листу врадового, до пана Давыда и малжонки его милости писаного, и копею з листу того, [л. 217 обор.] под печатью моею и под печатьми людей добрых, их милостямъ дал, абы их милость, o том увезанью ведаючы, ни в чомъ спротивни не были, a ижъ мне возному от суду земъского Меньского прыдано было двухъ шляхтичов земянъ гсдръских повету Меньского на отъправу и въвезане за суму пнзей на перьшую рату за педъдесягъ грошей литовских пана Яна Гърыгоровича Крывицъкого a пна Станислава Михаловского, a ижъ пры мъне на тотъ часъ панъ Янъ Грыгоровичъ не былъ, за некоторыми потребами своими пры пану Станиславу Михаловским прыданомъ на въвезане, ям на тотъ часъ на то месце двух шляхтичовъ мел земянъ гсдрьских повету Менъского для осветъченья вшелякого и подпоры своее, пна Петра Станиславовича Плеваку a пна Павла Островского, третего пна Станислава Михалевъского прыданого, и там же, пред ними будучы, в дворе ихъ милости Киевецъкомъ пана Давыда Есьмана и малжонъки его милости, пыталемъ их милости, давшы копею з листу увяжчого, естли бы увезанья поступили, которую копею, пан Давыд Есьманъ прышодшы, такъ поведил: я дей увязанья не бороню, але жона моя боронити будеть и увезаня не поступить, яко власного имеиья своего боронити хочеть. Я возный, на той повестк мало маючы, ехал есми з стороною людми добрыми до се-ла до службы Чолъноков, и кгдымъ тамъ прыехал до тое службы нихто ми увязанья не боронил. Ямъ его милость пна Миколая Сологуба и малжонку его милости у тую служъбу людей увезалъ, В[л.218] моц и в держанье подал; в которой служъбе дымов шесть: Грышко дымъ, Малафей дымъ, Богъдан дымъ, Денис дым, Конъдратъ дымъ, Михалъко дымъ, называемыые Чолъноки, которых имены списавшы на реестъре, за печатью моею, его милости пану Миколаю Сологубу подал у двадцати копах грошей литовскихъ, такъ тежъ до другое службы ехалъ есми до ... Ротъков, и тамъ ми нихто увязанья не боронилъ, в которой той службе дымовъ пять: Лаврын дымъ, Павлюкъ дымъ, Семенец дымъ, Иванъ дымъ, Степанъ дымъ, которых, такъже списавшы имены, в моц и в державье его милости пану Миколаю Сологубу u малжонце его милости подалъ у двадцати коиах грошей, a потомъ ехалесыіи до полслужбы, называемое Куротъчычъ, я возный и в тых ero ми-лость пана Миколая Сологуба и малжонъку ero милость увезалъ, a того увезанья,кгды тамъ прыехал, такъже ми нихто увязанья не боронил; в кото-рой службе дымы два—Мить....дымъ Демъянъ дымъ Куротъчычъ; я возный и в тыхъ его милости пана Миколая Сологуба и малжонку его милости увезалъ в десети копах грошей литовских трыдцатьма копами, рокъ ... недели положонъ иа той копеи моей. Которое тое очевистое сознанье возного до книг записано.

OCR: Wołocznik Zbigniew

Падзяліцца

Спадабаўся сайт? Распавядзіце сябрам!

Спампаваць

Часопіс "Dziedzictwo Kresowe" № 10 (VI.2017)

Спампаваць бясплатна часопіс Dziedzictwo Kresowe
Спампаваць у PDF фармаце


Часопіс “Спадчына Крэсаў” № 6 (VI.2015, рэд. VII.2017)

Спампаваць бясплатна часопіс Спадчына Крэсаў
Спампаваць у PDF фармаце

Падтрымка

Сайт ivenec.eu працуе пры падтрымцы

Герб Роду Плевакаў
Таварыства Роду Плевакаў

Пошук

Статыстыка

Статыстыка сайта ivenec.eu

Анлайн усяго: 1
Гасцей: 1
Карыстачоў: 0


Рейтинг сайтов