Івянец і Івянецкае графства

Серада, 23.01.2019, 06:36

Вітаю Вас Гость | RSS | Галоўная | Рэгістрацыя | Уваход

Главная » 2018 » Снежань » 17 » «Каралеўскі» сырнік з даваеннага Івянца
14:06
«Каралеўскі» сырнік з даваеннага Івянца

Івянецкі сырнік. Здымак Барбара ХомаДэсертная тварожная запяканка, або сырнік, мае доўгую гісторыю, а яе шматлікія мясцовыя варыянты вядомы дзясяткам народаў ці не на ўсіх кантынентах. Ідэя запякаць тварог (або блізкія да яго віды мяккага сыру), змяшанага з яйкамі, маслам, мукой, мёдам або цукрам, у печы, каб атрымаць у выніку салодкі дэсерт — вельмі старая, вядомая яшчэ з антычнасці.

Рабілі смачныя сырнікі і ў даваенным Івянцы, які ў той час уваходзіў у склад польскай дзяржавы. Паводле ўспамінаў былых івянчан, сырнік пад назвай «Каралеўскі» падавалі ў кавярні бабці Ксаверыны (пра рэцэпт распавяла яе ўнучка Барбара Хома) і бабці Фэлі Мураўскай з Сасноўскіх насупраць «Белага» (св. Міхала) касцёла ў Івянцы 1930-х гадоў.

Складнікі: 1 кг тварагу, 100 г манных круп, 1 шклянка вельмі тлустых і салодкіх вяршкоў (30%), 150 г масла, 1 шклянка натуральнага мёду, 5-6 яек, 250 г лясных арэхаў, 50-100 г шакаладу, 1 «ляска» ванілі, 50 г падсмажанай апельсінавай скуркі, 1 лыжка (з «горкай») вясковага масла для змазвання пергаментнай паперы.

Спосаб прыгатавання: Тварог прапусціць праз мясарубку. Манныя крупы змяшаць з вяршкамі і пакінуць на 30 хвілін. Масла расцерці з мёдам і жаўткамі. У бялкі ўсыпаць у тры пальцы солі і збіць іх у шчыльную пену. Ваніль старанна расцерці. Усе інгрэдыенты злучыць і старанна перамяшаць. Бляху нашмараваць тлушчам і заслаць змазанай пергаментнай паперай. Выкласці на яе тварожную масу, разгладзіць паверхню. Запякаць у сярэдне разагрэтай духоўцы (каля 150 °С) да залацістай скарынкі. Тым часам арэхі ачысціць, скласці ў невялікі гаршчок або рондаль разам з шакаладам. Падагрэць на пары, увесь час памешваючы, пакуль шакалад цалкам не распусціцца. Выліць сумесь на паверхню гатовага сырніка (арэхі можна выкласці і прыціснуць, каб заглыбіліся, яшчэ да запякання), упрыгожыць падсмажанай апельсінавай скуркай. Падаваць на шкляной падстаўцы для торта на белай сурвэтцы.

Крыніца: газета "Звязда"

Категория: Гісторыя | Просмотров: 1265 | Добавил: ivenec_eu | Рейтинг: 4.4/5
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]

Падзяліцца

Спадабаўся сайт? Распавядзіце сябрам!

Спампаваць

Часопіс "Dziedzictwo Kresowe" № 10 (VI.2017)

Спампаваць бясплатна часопіс Dziedzictwo Kresowe
Спампаваць у PDF фармаце


Часопіс “Спадчына Крэсаў” № 6 (VI.2015, рэд. VII.2017)

Спампаваць бясплатна часопіс Спадчына Крэсаў
Спампаваць у PDF фармаце

Падтрымка

Сайт ivenec.eu працуе пры падтрымцы

Герб Роду Плевакаў
Таварыства Роду Плевакаў

Пошук

Статыстыка

Статыстыка сайта ivenec.eu

Анлайн усяго: 1
Гасцей: 1
Карыстачоў: 0